firdechoix

Fir de Choix – Firwat Biergerinitiativ falsch läit

Dësen Méindeg huet Biergerinitiativ “Fir de Choix” eng Petitioun online gesat, bei där et drëms geet, dass “d’Wahlfräiheet dem Reliounsunterrecht an der «Education morale et sociale» an der ëffentlecher Schoul erhale bleift.”1.

An dësem Beitrag well ech ob ee puer Punkten agoen, firwat dat net de richtege Wee ass.

Wéi den Manuel Huss schonns op sengem Blog geschriwwen huet, ass déi Wahlfräiheet déi mir hunn, méi schlecht als gutt. An enger pluralistescher Welt, geet et net méi duer an engem zwee Klassensystem, zwëschen Reliounsunterrecht an “Education morale et sociale” ze denken, mee mir mussen all Weltreliounen a Betruecht zéien. Eisen aktuellen System weist doranner ee groussen Defizit op, well all Religioun, ausser der kathoulescher, gëtt an eisem System massiv diskriminéiert. Firwat kennen jüdesch Familljen, dann net ee jüdeschen Reliounsunterrecht wielen? Oder eng muslimesch Famill ee muslimeschen Reliounsunterrecht? Géif eng Partei an hirem Walprogramm schreiwen, dass se wëllen een jüdeschen an och ee muslimeschen Reliounsunterrecht an Schoul bréngen, dann géif ganz Land ob de Bam sprangen.

Fir der pluralistescher Welt méi gerecht ze ginn, mussen mir den Reliounsunterrecht aus der ëffentlecher Schoul eraushuelen an duerch een allgemengen Wäerteunterrecht ersetzen, och wann den Terme villäicht ee bëssen schlecht gewielt ass, wei den Patrick Brücher präzis ob sengem Blog erklärt.

“D’Elteren matt de Kanner an déi Jonk mussen d’Recht behalen mat ze decidéieren, wann et em existenziell Froën geht!”2 Hei stellen ech mir Fro, ob Kanner, grad an der Grondschoul, schonn fäheg sinn ze wëssen wat existenziell Froen sinn.  No menger Kenntnis ass et esou, dass Kanner oft net gefrot ginn an wéieen Cour se wëllen goen, mee Elteren huelen hinnen dat of. An och wann de allgemengen Wäerteunterrecht agefouert gëtt, heescht dat nach laang net, dass Jonker net kennen an eng Relioun antrieden. Relioun ass eppes héichs perséinleches, an dohier muss an der ëffentlecher Schoul den Reliounsunterrecht verschwannen.

Elteren hunn natierlech Recht, Entscheedungen wier hir Kanner ze treffen. Dat ass och gutt esou. Mee ech fannen, dass dëst een Thema ass, wou dëst Recht ze wäit gräift.

Déi Indoktrinatioun vum reliéisem Glawen bei Kanner muss endlech ophalen. Mier sollen am Géigesaz, de Kanner an Jonken bäibréngen, wat et heescht an enger Demokratie ze liewen. Och sollen mär vun all den Reliounen schwätzen an de Jonken dono Wiel loossen op ze wëllen enger Relioun bäitrieden oder net. Well genau dat bedeit Wahlfräiheet an Glawensfräiheet.

Read More